West Ham oo guul soo laabasho ah ka gaartay Chelsea oo marti ugu ahayd London Stadium… +SAWIRRO

(London) 04 Dis 2021. West Ham ayaa guul soo laabasho ah ka gaartay Chelsea oo marti ugu ahayd London Stadium, kaddib markii ay kaga adkaatay 3-2, ciyaar qeyb ka ahayd kulammada toddobaadkan ee horyaalka Premier League.

Qeybta hore ee ciyaarta ayaa lagu kala nastay 1-2 ay ku hoggaamineysay kooxda Chelsea.

Daqiiqadii 29-aad kooxda Chelsea ayaa hoggaanka u qabatay ciyaarta waxaana 0-1 ka dhigay Thiago Silva waxaana ka caawiyay Mason Mount.

Laakiin 40 daqiiqo marka ay dheesha mareysay kooxda West Ham United ayaa dhalisay goolka barbardhaca kaddib markii rigoore loo dhigay uu gool u badelay Manuel Lanzini ciyaarta ayaa waxay sidaas ku noqotay barbardhac 1-1 ah.

Daqiiqadii 44-aad kooxda Chelsea ayaa markale hoggaanka u qabatay dheesha iyada oo 1-2 ka dhigay Mason Mount oo caawinta goolka ay kaga timid Hakim Ziyech.

Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.

56 daqiiqo marka ay dheesha mareysay kooxda West Ham United ayaa markale la timid goolka barbardhaca waxaana 2-2 ka dhigay ciyaarta Jarrod Bowen kaddib markii uu goolkan ka caawiyay Vladimír Coufal.

Daqiiqadii 87-aad kooxda West Ham United ayaa markan hoggaanka u qabatay dheesha waxaana 3-2 laacibkooda Arthur Masuaku.

Ugu dambeyntii ciyaarta ayaa waxay ku dhammaatay 3-2 ay kaga adkaatay West Ham United kooxda Chelsea oo marti ugu ahayd London Stadium, ciyaar qeyb ka ahayd kulammada Isbuuca 16-aad ee horyaalka Premier League.

SAWIRRO:

Gool FM.

Xariir La Leh

Leave a Reply

Close