Man City oo hoggaanka u qabatay horyaalka Premier League kaddib markii ay si sahlan kaga soo adkaatay Watford oo ay booqatay… +SAWIRRO

(Watford) 04 Dis 2021. Manchester City ayaa guul ay u qalantay ka soo gaartay kooxda Watford oo ay booqatay, kaddib markii ay kaga soo adkaatay 1-3, ciyaar qeyb ka ahayd kulammada toddobaadka 16-aad ee horyaalka Premier League, taasoo ka dhigtay in City ay kala wareegtay hoggaaminta horyaalka.

Qeybta hore ee ciyaarta ayaa lagu kala nastay 0-2 ay ku hoggaamineysay kooxda martida ahayd ee Manchester City.

Daqiiqadii 4-aad ee bilowgii ciyaarta Manchester City ayaa hoggaanka qabatay waxaana 0-1 ka dhigay laacibkooda Raheem Sterling oo caawinta goolkan ka helay saaxiibkiis Phil Foden.

31 daqiiqo marka ay dheesha mareysay Bernardo Silva ayaa wuxuu ciyaarta ka dhigay 0-2 ay ku hoggaamineysay kooxda Manchester City.

Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.

Bernardo Silva oo caawin ka helay saaxiibkiis Walker ayaa wuxuu hoggaanka u sii dheereeyay kooxdiisa Manchester City wuxuuna dheesha ka dhigay 0-3.

Daqiiqadii 74-aad kooxda Watford ayaa dhalisay gool, waxaana ciyaarta 1-3 ka dhigay ciyaarta laacibkooda Cucho Hernández.

Ugu dambeyntii ciyaarta ayaa waxay ku dhammaatay 1-3 ay kaga soo adkaatay Man City kooxda Watford oo ay ku booqatay Vicarage Road Stadium, ciyaar qeyb ka ahayd kulammada Isbuuca 16-aad ee horyaalka Premier League.

SAWIRRO:

Image

Image

Gool FM.

Xariir La Leh

Leave a Reply

Close