Vinícius Jr oo guul muuhiim ah farta ka saaray Real Madrid kaddib markii ay ka adkaadeen kooxda Sevilla… +SAWIRRO

(Madrid) 28 Nof 2021. Vinícius Jr ayaa guul muuhiim ah farta ka saaray Real Madrid kaddib markii ay kaga adkaadeen kooxda Sevilla oo ku soo booqatay garoonka Santiago Bernabéu 2-1, ciyaar qeyb ka ahayd kulammada toddobaadkan ee horyaalka La Liga dalka Spain.

Qeybta hore ee ciyaarta ayeey labada kooxood Real Madrid iyo Sevilla ku kala nasteen barbardhac 1-1 ah.

Daqiiqadii 12-aad kooxda martida ahayd ee Sevilla ayaa hoggaanka u qabatay ciyaarta waxaana 0-1 ka dhigay Rafa Mir kaddib markii uu caawin ka helay Marcos Acuña.

Laakiin 32 daqiiqo marka ay dheesha mareysay Real Madrid ayaa dhalisay goolka barbardhaca waxaana 1-1 ka dhigay weeraryahankooda reer France ee Karim Benzema.

Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.

87 daqiiqo marka ay dheesha mareysay Vinícius Jr oo caawin ay kaga timid saaxiibkiis Militao ayaa wuxuu ciyaarta ka dhigay 2-1 ay ku hoggaamineysay kooxda cad cadka ee Los Blancos.

Ugu dambeyntii ciyaarta ayaa ku dhammaatay 2-1 ay kaga adkaatay Real Madrid kooxda Sevilla oo ku soo booqatay garoonka Santiago Bernabéu, Los Blancos ayaa haatay ku hoggaamineysa horyaalka La Liga 4 dhibcood waxayna leedahay 33 dhiboocd.

SAWIRRO:

Image

Image

Image

Image

Image

Image

Image

Gool FM.

Xariir La Leh

Leave a Reply

Close