Jesse Lingard oo guul ku hoggaamiyay Man United kaddib markii ay ka soo adkaadeen West Ham… +SAWIRRO

(London) 19 Sebt 2021. Manchester United ayaa guul dirqi ah ka soo heshay kooxda West Ham oo ay ku booqatay garoonka London Stadium, kaddib markii ay kag soo adkaatay 1-2, ciyaar qeyb ka aheyd kulammada toddobaadka 5-aad ee horyaalka Premier League.

Qeybta hore ee ciyaarta ayeey labada kooxood West Ham United iyo Manchester United ku kala nasteen bar-bardhac 1-1 ah.

Daqiiqadii 30-aad kooxda kubadda cagta ee West Ham United ayaa hoggaanka u qabatay ciyaarta waxaana 1-0 ka dhigay laacibkooda Said Benrahma kaddib markii uu caawin ka helay saaxiibkiis Jarrod Bowen.

35 daqiiqo marka ay dheesha mareysay kooxda Manchester United ayaa dhalisa goolka bar-bardhaca, waxaana 1-1 ka dhigay weeraryahankooda reer Portugal ee Cristiano Ronaldo.

Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.

Daqiiqadii 89-aad Manchester United ayaa hoggaanka u qabatay u ciyaarta waxaana 1-2 ka dhigay Jesse Lingard oo caawin ay kaga timid saaxiibkiis Nemanja Matic.

Laakiin 90+ kooxda West Ham United ayaa loo dhigay rigoore, waxaana ka qasaariyay laacibkooda Mark Noble.

Ugu dambeyntii ciyaarta ayaa ku dhammaatay 1-2 ay kaga soo adkaatay Manchester United, kooxda West Ham United oo ay ku booqatay garoonka London Stadium, xilli ciyaartan ay qeyb ka aheyd kulammada toddobaadka 5-aad ee horyaalka Premier League.

SAWIRRO:

Image

Image

Image

Image

Image

Gool FM.

Xariir La Leh

Leave a Reply

Close