Virgil van Dijk oo farriin u diray Kubbad-sameeyaha kooxda Man City ee  Kevin De Bruyne

(England) 10 Sebt 2020. Daafaca kooxda Liverpool ee Virgil van Dijk ayaa fariin u diray ciyaaryahanka khadka dhexe reer Belgium iyo kooxda Manchester City ee Kevin De Bruyne.

Virgil van Dijk ayaa u habalyeeyay laacibka khadka dhexe reer Belgium iyo kooxda Manchester City ee Kevin De Bruyne, kaddib markii uu ku guuleystay abaal-marinta xiddiga sanadka ee PFA.

Laacibka khadka dhexe ee Kooxda Manchester City, Kevin De Bruyne ayaa ku guuleystay abaal-marinta PFA ee xiddiga sanadka ugu wanaagsanaa guud ahaan Ingiriiska xilli ciyaareedkii tagay, waxaana uu ku graacay dhowr xiddig oo kooxda Liverpool ah.

Kevin De Bruyne ayaa abaal-marinta ku garaacay xiddigaha kooxda Liverpool ee afarta ah, kuwaasoo kala ah; Trent Alexander-Arnold, Jordan Henderson, Virgil Van Dijk iyo Sadio Mane iyo saaxiibkiis Raheem Sterling iyo Pierre-Emerick Aubameyang.

Virgil van Dijk ayaa fariin u marsiiyay boggiisa rasmiga ah ee Twitter-ka xiddiga khadka dhexe reer Belgium iyo kooxda Manchester City ee Kevin De Bruyne, wuxuu ku sheegay:

“Ilama xuma aniga ahaan inaad ku guuleysato abaal-marintaas, hambalyo, waxaad tahay nin cajiib ah”.

Si kastaba ha noqotee, Kubbad-sameeyahan Kevin De Bruyne ayaa noqday ciyaaryahankii  ugu horreeyey ee Manchester City ah ee abaal-marinta PFA ku guuleysta taariikhda.

Gool FM.

Xariir La Leh

Leave a Reply

Close