Man City oo iska xaadirisay afar dhamaadka tartanka FA Cup kaddib markii ay ka soo gudubtay Newcastle … +SAWIRRO

(England) 28 Juun 2020. Manchester City ayaa u gudubtay afar dhamaadka tartanka FA Cup kaddib markii ay guul 0-2 ah ka soo heshay kooxda Newcastle, kulan qeyb ka ahaa wareega siddeed dhamaadka ee tartankan.

Qeybta hore ee ciyaarta ayaa lagu kala maray 0-1 ay ku hogaamineysay kooxda martida aheyd ee Manchester City.

Daqiiqadii 37-aad Manchester City ayaa heshay rigoore waxaana gool u badalay Kevin De Bruyne oo dheesha ka dhigay 0-1.

Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.

Daqiiqadii 68-aad Manchester City ayaa dhalisay goolkeeda labaad, waxaana 0-2 ka dhigay Raheem Sterling, kaddib markii uu goolkan ka caawiyay saaxiibkiis Phil Foden.

Ugu dambeyntii ciyaarta ayaa waxay ku soo dhamaatay 0-2 ah ay kaga adkaatay Manchester City kooxda Newcastle United, guushaan ayaa ka dhigay in Sky Blues ay u gudubtay wareega afar dhamaadka ee tartanka FA Cup.

Si kastaba ha noqotee, isku aadkii goordhow la sameeyay ee afar dhammaadka FA Cup-ka ayaa waxay afarta kooxood isugu beegmeen Manchester United v Chelsea, halka sidoo kale ay isku beegmeen Arsenal v Manchester City.

SAWIRRO:

Image

Image

Gool FM.

Xariir La Leh

Leave a Reply

Close