Frank Lampard oo dhaleeceyn u jeediyay macalinka reer Portugal ee Jose Mourinho sababa la xiriira…

(London) 25 Dis 2019. Tababaraha kooxda kubadda cagta Chelsea ee Frank Lampard ayaa ka hadlay khaladkii uu sameeyay Jose Mourinho sanado ka hor, kaddib markii uu u ogolaaday xiddigaha Maxamed Saalax iyo Kevin De Bruyne inay ka tagaan garoonka Stamford Bridge.

Jose Mourinho oo ah tababaraha haatan ee kooxda Tottenham, ayaa kala soo shaqeeyay labadan xiddig bilawga xirfadooda kubadda cagta kooxda ka dhisan Galbeedka Magaalada London ee Chelsea, laakiin ma uusan siinin fursad ay kaga qeyb galaan ama ay saameyn ugu yeeshaan naadiga Blues.

Kevin De Bruyne ayaa markaas kaddib looga iibiyay kooxda Wolfsburg qiimo dhan 18 milyan ginni sanadkii 2014, halka Maxamed Saalax uu ugu dhaqaaqay naadiga reer Talyaani ee Roma sanadkii 2016 aduun dhan 12 milyan ginni.

Wargeyska “The Sun” ee dalka England ayaa wuxuu shaaca ka qaaday wareysi uu Frank Lampard kaga hadlay arrintan wuxuu ku yiri:

Image result for frank lampard and jose mourinho

“Haddii aadan samir u yeelanin xiddigaha da’ayarta ah, waxaa laga yaabaa inaan ku soo afjarno xaalad la mid ah tii aan ku jirnay markii aan u ogolaanay inay baxaan labo ciyaaryahan, kuwaasoo haatan ku jira heer caalami ah”.

“Saalax iyo De Bruyne waxay joogeen kooxda Chelsea da’adooda waxay aheyd 20 iyo 21 jir, laakiin ma aysan sii heysanin tababarayaashii waqtigaas joogau, haddii aan isla booskaan ku jiri lahaa xilligaas waxaan ka shaqeyn lahaa inay sii joogaan” ayuu yiri tababare Frank Lampard.

Gool FM.

 

Xariir La Leh

Leave a Reply

Close