Liverpool oo sii dheereysatay hogaanka horyaalka, xilli Chelsea ay guuldarro kala kulantay West Ham … +SAWIRRO

 (England) 30 Nof 2019. Liverpool ayaa guul muhiim ah kaga gaartay garoonkeeda Anfield, kooxda Brighton & Hove Albion, kaddib markii ay kaga adkaatay 2-1, kulan ka tirsanaa horyaalka Premier League ee dalka England.

Qeybta hore ee ciyaarta ayaa lagu kala maray 2-0 ay ku hogaamineysay kooxda martida loo ahaa ee Liverpool.

Daqiiqadii 18-aad ee dheesha Liverpool ayaa hogaanka u qabatay ciyaarta, waxaana 1-0 ka dhigay daafacooda birta ah ee Virgil Van Dijk, waxaana goolka ka caawiyay saaxiibkiis Trent Alexander-Arnold.

Markale daqiiqadii 24-aad Liverpool ayaa la timid gool labaad, waxaana 2-0 ka dhigay Virgil Van Dijk, iyadoo uu markale goolkan ka caawiyay Trent Alexander-Arnold.

Qeybta labaad marka dib leysugu soo laabtay ciyaarta, labada kooxood waxay sameeyeen qaab ciyaareed aad u fiican, waxayna sameeyeen fursado badan ee goolal loo filan karay.

Daqiiqadii 78-aad kooxda Brighton & Hove Albion ayaa la timid gool, kaddib markii uu ciyaarta ka dhigay 2-1, laacibka lagu magacaabo Lewis Dunk.

Ugu dambeyntii ciyaarta ayaa waxay ku soo dhamaatay 2-1 ay Liverpool guul kaga gaartay Brighton & Hove Albion oo marti ugu aheyd garoonka Anfield.

Dhanka hoose kaga boggo natiijooyinkii kulamadii kale ee isla waqtigan laga ciyaaray horyaalka Premier League ee dalka England.

Burnley 0 – 2 Crystal Palace

Chelsea 0 – 1 West Ham United

Tottenham Hotspur 3 – 2 AFC Bournemouth.

SAWIRRO:

Gool FM.

Xariir La Leh

Leave a Reply

Close