RASMI: Ashley Cole oo ku dhawaaqay inuu gabi ahaanba ka fariistay ciyaarista kubadda cagta

(England) 18 Agoosto 2019. Daafacii hore garabka bidix ee xulka England Ashley Cole ayaa ku dhawaaqay inuu gabi ahaanba ka fariistay ciyaarista kubadda cagta, kaddib xirfad aad u qurux badan uu soo qaatay.

Ashley Cole ayaa si rasmi ah ugu shaaciyay go’aanka uu kaga fariistay kubadda cagta, xili uu ku sugnaa mid ka mid ah istuudiyaasha lagu falaqeenayo kulamada horyaalka Premier League ee shabakada “Sky Sport’ ee maanta oo Axad ah la ciyaarayo.

فيديو مُضمّن

Cole ayaa wuxuu xirfadiisa ciyaareed kusoo bandhigay kubadda cagta ee aad wanaagsan, isaga oo matalay xulka qaranka ee England 107 kulan oo caalami ah, kahor inta uusan si rasmi ah uga fariisan ciyaaraha caalamiga ah sanadkii 2014-kii.

Ashley Cole ayaa 385 kulan oo horyaalka Premier League ah u ciyaaray kooxaha Arsenal, Crystal Palace iyo Chelsea ka hor inta uusan ka tagin Premier League isaga oo u dhaqaaqay naadiga Roma 2014-kii, kaddib wuxuu kaga sii dhaqaaqay Los Angeles Galaxy 2016-kii, kahor inta uusan xirfadiisa ciyaareed ee kubadda cagta ku soo xirin xili ciyaareedkii hore kooxda Derby County.

Gool FM.

Xariir La Leh

Leave a Reply

Your email address will not be published. Required fields are marked *

Close