RASMI: Barcelona oo ku dhawaaqday saxiixa xiddiga reer France ee Antoine Griezmann

(Spain) 12 Luulyo 2019. Barcelona ayaa ku dhawaaqday inay si rasmi ah kala soo saxiixatay Antoine Griezmann kooxda Atletico Madrid, si ay ugu xoojisato weerarkeeda.

Barcelona ayaa boggeeda rasmiga ah ee Twitter-ka waxay ku shaacisay fiidiyoow ay ku soo dhaweeneyso Antoine Griezmann.

Sida laga soo xigtay bogga rasmiga ah ee kooxda Barcelona, Griezmann ayaa wuxuu saxiixi doonaa qandaraas muddo shan sano ah, iyadoo qiimaha heshiiskiisa lagu kansalayo la gaarsiin doono ilaa iyo 800 milyan euro.

Qareenka Antoine Griezmann ayaa tagay xarunta maamulka horyaalka La Liga dhowr saacadood ka hor si uu u bixiyo qiimaha lagu kansalay heshiiskiisa kooxda Atletico Madrid ee dhan 120 milyan oo ginni, taasoo ay bixisay Barca.

Sida laga soo xigtay dhowr wargeysyo ee dalka Spain ah, Barcelona ayaa Antoine Griezmann u soo bandhigi doonta warbaahinta iyo jamaahiirteeda maalinta Axada ee soo aadan, isagoo qeyb ka noqon doono tababarka kooxda isla maalinta xigta ee Isniinta ah.

Gool FM.

Xariir La Leh

Leave a Reply

Your email address will not be published. Required fields are marked *

Close