RASMI: Ciyaaryahankii hore ee Manchester City iyo Barcelona Yaya Toure oo koox cusub ku biiray

(Yurub) 03 Luulyo 2019. Ciyaaryahan Yaya Toure ayaa ku biiray kooxda Qingdao Huanghai taasoo ka ciyaarta horyaalka heerka labaad ee dalka Shiinaha (Chinese second division).

Xiddigii hore ee khadka dhexe kooxaha Manchester City iyo Barcelona ayaa ku dhawaaqay inuu dhaqaaqay labo bilood kaddib markii uu beeniyey wararka sheegaya inuu kubadda cagta isaga fariistay oo uu u wareegay dhanka maalmulka.

36-sano jirkaan ayaa xilli ciyaareedkii la soo dhaafay ku qaatay kooxda Olympiakos kaddib markii uu isaga tagay naadiga Manchester City ee ka dhisan dalka Ingiriiska sanadkii 2018-kii.

Toure, kaasoo bartiisa Twitter-ka soo dhigay isagoo xiran maaliyadda kooxdiisa cusub ee Qingdao ayaa website-kiisa rasmiga ah ee www.officialyayatoure.com waxaa uu ku soo qoray:

“Tan iyo markii aan bilaabay xirfaddeyda kubadda cagta, had iyo jeer waxaan jeclaa tartartammada, haddana anigu waxaan go’aansaday inaan bilaabo tartan cusub, isla markaana aan markale taariikh ku sameeyo kooxda kubadda cagta ee Qingdao Huanghai.”

Gool FM.

 

Xariir La Leh

Leave a Reply

Your email address will not be published. Required fields are marked *

Close