Saxiixa cusub ee kooxda Real Madrid Rodrygo oo qarsan waayey taageerada uu u hayo Eden Hazard

(Madrid) 18 Juunyo 2019. Sida wararku ay sheegayaan saxiixa cusub ee kooxda Real Madrid Rodrygo ayaa qarsan kari waayey taageerada weyn ee uu u hayo ciyaaryahanka isna ku cusub kooxda Los Blancos ee Eden Hazard.

Da’yarka reer Brazil ee Rodrygo Goes ayaa farxad ka muujiyey inuu ka garab ciyaari doono mardhow Eden Hazard oo uu sheegay inuu taageero buuxa u yahay.

Kaddib wareysi uu siiyey Jariiradda Marca ee ka soo baxda dalka Spain, ciyaaryahan Rodrygo Goes ayaa xusay inuu taageere weyn u yahay xiddiga reer Belgium ee Hazard, isla markaana uu xitaa gaaray inuu sawirka Eden saarto shaashadda taleefoonkiisa gacanta.

“Waa xiddig aan mar weliba la socday, waxaan isaga sawirkiisa u haystay inuu ii saarnaa shaashadda taleefoonkeyga, kaliya ma sawiran kartaa haatan anigu waxaan u socdo inaan isaga la ciyaaro.” ayuu yiri Rodrygo.

Kaddib markii Rodrygo la weydiiyey sida uu dareenkiisu noqon lahaa marka uu la kulmo Hazard ayaa waxa uu ku jawaabay: “Waan hubaa inaan noqon doono mid dareenkiisu aad u sarreeyo, waana ku faraxsanaan doonaan inaan la kulmo isaga.”

Gool FM.

Xariir La Leh

Leave a Reply

Your email address will not be published. Required fields are marked *

Close