Bakhaara Real Madrid ee Dubai oo lagu iibinayo maaliyadaha Eden Hazard & lambarka uu xiran doono oo la xaqiiqsaday.

(Dubai) 13 June 2019. Waxaa la rajeynayaa in Eden Hazard uu xiran doono lambarka 7-aad ee kooxda Real Madrid, kooxda ayaana durba ku iibineysa bakhaarkeeda Dubai maaliyadda xiddigaan magaciisa lagu xardhay sidoo kalana uu ka muuqdo lambarka 7-aad.

Mariano Diaz ayaa ah xiddiga heysta lambarkaan, balse wuxuu heystaa fursad fiican uu kooxda mar kale kaga tagi karo, balse si rasmi ah Hazard looma siinin lambarka, walow la sheegay in maanta lagu soo bandhigayo garoonka Santiago Bernabeu.

Waxaa lasoo warinayaa in bakhaarka Dubai lagu iibinayay maaliyadda xiddigaan ee lambarka 7-aad tan iyo jimcadii markaas oo lagu dhawaaqay heshiiska xiddigaan, sidoo kalana saxaafadda Spain ayaa soo tabisay in garoonka diyaaradaha magaalada Barcelona lagu iibinayo maaliyadda lambarka 7-aad ee Hazard.

Maanta ayey wax walba kala cadaan doonaan marka Eden Hazard uu soo gaaro garoonka uu waligiis ku riyoon jiray ee Santiago, wuxuuna ka mid noqday 10-ka saxiix ee ugu qaalisan dunida kubadda cagta maadaama la sheegay inuu in ka badan 100 Malyan oo Yuuro ugu biiray Los Blancos.

GOOL FM

Xariir La Leh

Leave a Reply

Your email address will not be published. Required fields are marked *

Close