Ku xigeenka madaxa xiriirka kubadda cagta ee dalka Brazil oo dabka ku sii shiday Neymar Jr kahor tartanka Copa America

(Ameerika) 05 Juunyo 2019. Waxay u muuqataa in xaalada ay ku adkaan doonto xiddiga reer Brazil iyo kooxda PSG ee Neymar Jr, kaddib markii lagu eedeeyay inuu kufsaday gabar uu ka bartay baraha bulshada gaar ahaan Instagram-ka.

Waxay sheekada sii xumaatay, kaddib markii uu ku xigeenka madaxa xiriirka kubadda cagta dalka Brazil ee Francisco Noveletto uu si cad u sheegay arin ku saabsan baahida loo qabo in lagu dhawaaqo in Neymar Jr uusan kala qeyb gali doonin xulkiisa Samba tartanka Copa America.

Tartanka Copa America ayaa la filayaa inuu bilowdo 15-ka bisha June, iyadoo Brazil ay sannadkan martigelin doonto tartankan.

Taageerayaasha xulka qaranka Brazil ayaa waxay rajeenayaan inay ku guuleystaan sanadkan tartanka Copa America, gaar ahaan maadaama lagu qabanayo gudaha Samba.

Balse kaddib fadeexadii Neymar Jr ee dhawaantan, ciyaaryahanka kooxda PSG ayaa suurtagal ah inuu ka maqnaan doono tartanka Copa America, maadaama laga cabsi qabo inuu dariinkiisa oo dhan uu u weeciyo xaalada kiiskan cusub ee lagu soo oogay.

Laakiin Neymar Jr oo haatan ku sugan xerada tababarka ee xulka qaranka Brazil ay ugu diyaar garoobayaan Copa América 2019, kaasoo lab isbuuc ka dib ka furmi doono dalkiisa hooyo ee Brazil ayaan ka laba labeynin inuu beeninyo eedeymaha ku aadan kiiska kufsiga ah ee loo soo jeediyay.

Hadaba ku xigeenka madaxa xiriirka kubadda cagta dalka Brazil ee Francisco Noveletto ayaa wareysi uu ku bixiyay wargeyska “AS” ee dalka Spain wuxuu ku sheegay:

“Waxaa jira fiidiyow cusub oo ku saabsan Neymar Jr kaasoo goordhow tasoo bandhigi doono, kuna qasbi karta ciyaaryahanka inuu ku fikiro inuusan ciyaarin tartanka Copa America”.

“Haddii uu Neymar go’aansado inuu ka qeyb qaato Copa America, Brazil waxay arintaas ku yeelan doontaa saameyn, sababtoo ah ma noqon doono 100% diyaar”.

Gool FM.

Xariir La Leh

Leave a Reply

Your email address will not be published. Required fields are marked *

Close