“Waan iska Ooyaa markasta aan dib u daawado kulankii aan ka adkaanay Ajax waayo….”.- Lucas Moura

(London) 11 Maajo 2019. Lucas Moura ayaa ka dhawaajiyay inuu iska ooyo markasta oo uu dib u daawado Saddexleydii uu ka dhaliyay Ajax si uu Finalka ugu soo saaro kooxdiisa Tottenham markii ugu horreysay taariikhda.

Spurs oo lugtii mininkeeda looga soo adkaaday 1-0 ayaa misane kulankii ka dhacay Holland 2-0 lagu marsiyay qeybta hore ee ciyaarta.

Balse wax kasta ayaa isbadelay markii uu wiilka reer Brazil kooxdiisa u dhaliyay Saddex gool oo uu waliba midka dambe dhaliyay seeriga oo afka lagu hayo.

26-jirka ayaa daaha ka rogay in qiiro darteed ay ilinta soo dhaafto markasta uu dib u daawado kulankii ay sida mucjisada ah ugu soo gudbeen kama dambeysta tartanka Champions League.

“Waxaan aaminsahaya inaan Riyooyanayo,” Moura ayaa hadalkiisa ku bilaabay mar uu u waramayay bogga rasmiga ah ee Tottenham.

Image result for lucas moura crying

“Dib ayaan kulanka u daawaday, Waa iska ooyaa markasta aan daawado muuqaalka maxaa yeelay waa dareen qiiro badan. Ciyaaryahan kasta wuxuu doonayay inuu helo waqtigan oo kale, inuu u noolaado waqtigan oo kale, aad ayaan u faraxsanahay waxaana u baahannahay inaan ku raaxeysano.

“Taasi waa sababta ay kubbada cagta u tahay mid aad u cajiib ah. Waan jeclahay kubbada cagta waa mid leh dareen qiiro badan, qofkasta wuu jecel yahay kubbada cagta. Waqtiyada sidan oo kale ah waxaan u baahanay inaan sii joogteyno nolosheena”.

Tottenham ayaa kulankeeda ugu dambeeya Premier League axada la ciyaari doonta Everton ka hor inta aysan 1-da Juun magaalada Madrid isku qaban Liverpool Final ka Champions League.

Gool FM.

 

Xariir La Leh

Leave a Reply

Your email address will not be published. Required fields are marked *

Close