Tababare Ancelotti oo sheegay ciyaaryahankii ay isku dheceen oo uu dartiis uga tegay Real Madrid

(Napoli) 23 Feb 2019.  Tababarihii hore ee kooxda Real Madrid ee waddanka Spain Carlo Ancelotti ayaa daaha ka rogay sababtii dhabta ahayd ee uu uga tegay kooxdaasi.

Ancelotti wuxuu sheegay in uu muran dhex maray isaga iyo Guddoomiyaha Real Madrid Florentino Perez, murankaas oo ku saabsan ‘dabeecadda kibirka badan’ ee ciyaaryahan Gareth Bale, taas oo keenay in uu gebi ahaanba isaga tago naadigaasi 2015-kii.

Laba sanadood oo uu Real Madrid la joogay Ancelotti waxaa uu ka tegay Madrid, xilligaas oo uu Guddoomiye Perez sheegay in go’aankaasi ay qaateen iyagoo u baahnaa in kooxda tababare cusub loo magacaao si ay koobab ugu guuleystaan.

Laakiin 4 sanadood kaddib Ancelotti oo haatan macallin u ah Napoli ayaa sheegay in Real Madrid uu uga tegay kibirka Gareth Bale, waxaana uu yiri “kooxdu waa inay qiiro iyo maseyr leedahay, haddii ay jiraan wax aniga aad iga careysiinaya waa markaan arko qof kibir badan”.

“Mararka uu ciyaaryahanku kubbad u baasi waayo xilli ay baas leedahay oo uu go’aansado inuusan baasin, taasi waxaan u hurayaa mustaqbalkayga” ayuu sii raaciyay tababaraha Talyaaniga ah.

“murankii aniga iyo Perez wuxuu ka dhashay markii aan beddelay Bale ciyaartii Valencia, sababtoo ah kubbad ayuu u baasi waayay Benzema oo dhalin lahaa goolkaas isagoo gool furan ag taagnaa, taas beddelkeeda Bale isagaa laaday darbaddaas” ayuu Ancelotti u sheegay warbaahinta.

“kaddib garoonka ayaan ka saaray Bale halkaas ayaana buuqu ka billowday, inaan arrintaasi sheego waa laga fiican yahay, laakiin haddii Napoli uu ku jiro weeraryahan xoogaa kibir badan waxay noqonaysaa in natiijadeennu yaraato” ayuu laga hayaa Macallinka khabiirka ah.

Gool FM

Xariir La Leh

Leave a Reply

Your email address will not be published. Required fields are marked *

Close