Elman oo galabta guul kaga gaartay Kooxda Heegan horyaalka Somali Premier League

(Soomaaliya) 19 Feb 2019. Kooxda Elman ayaa galabta guul ka gaartay naadiga Heegan kadib markii ay ugu adkaatay 3-1, ciyaar qeyb ka aheyd horyaalka Somali Premier League.

Kulankan ayaa ahaa mid aad u xiiso badan qeybtii hore waxaa lagu kala maray 2- gool iyo 0 ay ku horkaceyso kooxda Elman, waxaana goolasha u dhaliyay ciyaaryahanka Anwar Shankunda, sidaas ayaa lagu kala nastay.

Markii dib la isku soo laabtay qeybtii dambi ee ciyaarta kooxda Heegan ayaa la timid gool waxaana u dhaliyay Ugama oo u dhashay dalka Uganada, kulanka ayuu ka dhigay 2-1 ay ku hogaamineyso kooxda Elman.

Balse dhamaadii ciyaarta waxaa niyada ka dilay taageerayasha kooxda Heegan ciyaaryahan Anwar Shankunda kaas oo dhaliyay goolkii Saddexad ee ciyaarta.

Ugu dambeyn kulanka ayaa ku soo dhamaaday 3-1 ay guusha ku raacday wiilasha Elman.

Si kastaba Kooxda Elman ayaa galabta gaartay guushii ugu horeysay ee horyaalka hada waxey leedhahay afar dhibcood halka Heegan ay leedhahay 3-dhibcood.

W/D Cabdifitaax Cabdirashiid Abuukar (Naani)

Gool FM.

Xariir La Leh

Leave a Reply

Your email address will not be published. Required fields are marked *

Close