“Real Madrid way awoodaa inay soo qabato kooxda Barcelona” – Ramos

(Real Madrid) 10 Feb 2019. Kabtanka kooxda Real Madrid Sergio Ramos ayaa xaqiijiyay in Real Madrid ay awood u leedahay in ay soo qabato hogaamiyaasha horyaalka La Liga ee Barcelona.

Ramos ayaa dhaliyay rigoore kulankii Madrid Derby ay xalay guusha kaga gaareen kooxda Atletico Madrid 3-1, kaasoo ka tirsanaa kulamada 23 ee horyaalka La Liga xili ciyaareedkan.

32 jirkan ayaa dhaliyay kulankii xalay goolkiisii 11-aad ee dhamaan tartamada kala duwan ee xili ciyaareedkan, taasoo ka dhigeysa inuu qaadanayo xili ciyareedkiisii ugu fiicnaa ee dhanka gooldhalinta.

Farqiga u dhaxeeya labada kooxood sida adag ugu dagaalama kubada cagta Real Madrid iyo Barcelona ee dhanka hogaanka horyaalka La Liga ayaa gaarsiisan ilaa iyo 5 dhibcood, kadib guushii ay Los Blancos ka gaartay kooxda Atletico Madrid, balse Barca ayaa dhankeeda caawa la ciyaari doonto Athletic Bilbao, waxaana suuragal ah in farqiga uu gaaro ilaa iyo 8 dhibcood.

Hadaba Ramos ayaa ciyaarta kadib wuxuu ka hadlay loolanka horyaalka La Liga wuxuuna yiri:

“Tartanka horyaalka La Liga wali waa mid taagan, waxaa jira dhibco badan iyo kulamo badan ee la ciyaari doono”.

“Koox kasta waxay awood u leedahay inay wax ka qabato caqabadaha hor taagan, sida aan ku soo aragnay wareega hore”.

“Waxaan leenahay rajo, waxaan u dagaalami doonaa horyaalka La Liga, waxaan xaalada ku adkeyn doonaa kooxda Barcelona, ​​ inkastoo ay leeyihiin wax aad u muhiim ah”.

“Real Madrid waxay ciyaartay kulan aad u fiican, iyadoo bixisay qaab ciyaareed ka dhameystiran dhinacyada kal duwan”.

Gool FM.

Xariir La Leh

Leave a Reply

Your email address will not be published. Required fields are marked *

Close