Mid ka mid ah halyeeyada Chelsea oo ugu baaqay Hazard inuu go’aamiyo mustaqbalkiisa garoonka Stamford Bridge

(Chelsea) 24 Jan 2019. Halyayga kooxda Chelsea ee Michael Ballack ayaa ugu baaqay Eden Hazard inuu go’aan ka gaaro mustaqbalkiisa si uu kaga tago garoonka Stamford Bridge ama uu u sii joogo.

42 jirkan ka mid ah xidigaha soo maray kooxda Chelsea ayaa tilmaamay in ay haboon tahay in laacibka reer Belgiam uu kala cadeeyo mustaqbalkiisa kooxda Chelsea, isla markaana uu go’aamiyo hadii uu doonayo inuu sii joogo ama uu baxo dhamaadka xili ciyaareedkan.

Image result for Eden Hazard

Wargeyska “AS” ayaa soo xigtay wareysi uu bixiyay dhawaantan laacibkii hore kooxda Chelsea ee Michael Ballack waxaana hadaladiisa ka mid ahaa:

“Hazard waxaa laga doonayaa inuu go’aamiyo hadii uu doonayo kooxda Chelsea ama hadii kale, wuxuu muhiim u yahay kooxda iyo sidoo kale horyaalka Premier League”.

“Haatan waa inuu go’aamiyaa hadii uu xiiseenayo inuu u dhaqaaqo mid ka mid ah kooxaha ugu fiican aduunka sida uu horey u sheegay”.

“Eden Hazard waa mid ka mid ah xidigaha xidigaha ugu fiican aduunka, bixitaankiisana shaki la’aan waxay dharbaaxa xoogan ku noqon doontaa kooxd Chelsea, laakiin hadii uu xiiseenayo in uu sidaas sameeyo suuragal ma noqoneyso in laga hor istaago”.

“Hazard waa inuu u sheegaa maamulka Chelsea waxa uu doonayo inuu sameeyo, sidoo kale maamulka iyaguna waa inay fahmaan rabitaankiisa, balse jawiga haatan waa midaan u fiicneyn kooxda”.

Gool FM.

Xariir La Leh

Leave a Reply

Your email address will not be published. Required fields are marked *

Close