RASMI: 5-sano kaddib Cesc Fabregas oo ka tagay Chelsea….(Laacibka oo durba ka hadlay waxa uu u qabanayo kooxdiisa Cusub)

(England) 11 Jan 2019. Xiddiga qadka dhexe Chelsea Cesc Fabregas ayaa ku biiray kooxda reer France ee Monaco isagoona qalinka ugu duugay heshiis saddex sano iyo bar ah.

31-jirka reer Spain ayaa kabtan u xirtay Blues ciyaartii FA Cup ay ka adkeedeen Nottingham Forest sabtidii waxaana la arkayay isagoo ilmeynaya kaddib mar uu macsalaameenayay taageerayaasha oo u sacbo tumayay.

2014-kii ayuu ku soo biiray kooxda reer London isagoona ka yimid Barcelona, 303 kulan ayuu sidoo kale u ciyaaray Arsenal sanadihii u dhexeeyay 2003 and 2011.

Related image

“Waa farxad wayn inaan ku biiro AS  Monaco, mashruuc Cusub ayuu ii yahay aniga,” Fabregas ayaa sidaa yiri.

“Waxaan halkan u joogaa inaan kooxda Caawiyo, Waxaan ka dhursugayaa inaan ku soo bilowdo. Aad ayaan u faraxsanahay.”.

Ku biirista Fabregas ee Monaco ayaa ka dhigan inuu dib ula midoobi doono saaxiibkii hore ee Arsenal Thierry Henry kaa oo Tababare u ah kooxda reer France.

Gool FM.

Xariir La Leh

Leave a Reply

Your email address will not be published. Required fields are marked *

Close