“Luka Modrić wuu u qalmay ku guuleysiga abaal marinta Ballon d’Or 2018” – Didier Deschamps

(France) 23 Dis 2018. Macalinka xulka qaranka France ee Didier Deschamps ayaa qiray in xidiga khadka dhexe kooxda Real Madrid ee Luka Modrić uu u qalmay ku guuleysiga abaal marinta xiisaha badan ee Ballon d’Or 2018.

Luka Modrić ayaa saddex isbuuc kahor waxaa loo caleymo saaray abaal marinta Ballon d’Or 2018, sababa la xiriira in kooxdiisa Real Madrid uu kula guuleystay tartanka Champions League, isla markaana uu xulkiisa Croatia ku hogaamiyay inuu gaaro finalka koobka aduunka.

Sidoo kale Luka Modrić ayaa sanadkan ku guuleystay abaal marinta ciyaaryahanka ugu fiican Yurub iyo FIFA The Best, wuxuuna ahaan sanad u cajiib ah laacibka reer Croatia.

Hadaba macalinka xulka qaranka France ee Didier Deschamps oo arintan ka hadlay ayaa wuxuu yiri:

“Luka Modrić wuxuu u qalmay abaal marinta uu ku guuleystay ee Ballon d’Or 2018, inkastoo saddexda xidig ee reer France Mbappé, Varane iyo Griezmann ay sidoo kale u qalmeen inay ku guuleystaan abaal marintan”.

“Mbappé, Varane iyo Griezmann waxay ku soo guuleysteen koobka aduunka 2018 ee ka dhacay dalka Russia, waxayna sidoo kale gaareen guulo waaweyn”.

“Waxay i weydiiyeen sababta aan Griezmann kaga door biday xidigaha  Mbappé iyo Varane codeynta abaal marinta Ballon d’Or 2018, saddexdaba way u qalmeen abaal marintan”.

“Balse ugu dambeyntii uma wada codeyn karo saddexda ciyaaryahan si ay booska koowaad u galaan, waxaan awood u lahaa in aan codkeyga siiyo kaliyo hal ciyaaryahan”.

Gool FM.

Xariir La Leh

Leave a Reply

Your email address will not be published. Required fields are marked *

Close