Hayaay Milan! Barcelona oo daba socota André Silva

(Barcelona) 08 Okt 2017 – Kooxda Barcelona ayaa la sheegayaa inay si gaar ah u daba socoto laacibka kooxda AC Milan iyo qaranka Portugal ee Andre Silva oo ay doonayaan mustaqbalka dhow, sida uu dhigayo Mundo Deportivo.

Laacibkan 21-jirka ah ayaa xalay goolna dhigay mid kalana dhaliyay kaasoo uu dhamaystiray Cristiano Ronaldo ciyaartii ay 2-0 xalay ku garaaceen Andorra isreebreebka KA2018.

Waxaa xalay tarabuunka garoonka lagu arkay maareeyaha ciyaaraha Barcelona ee Robert Fernandez, taasoo shaki dhalisay.

Warsidaha reer Spanish ayaa ku doodaya in uu sarkaalkani u tegey inuu u kuurgalo Andre Silva iyo xitaa laacibka Sporting CP ee Gelson Martins.

Andre Silva ayaa xagaagan uun AC Milan kaga soo biiray dhanka FC Porto iyagoo kusoo qaatay €38m iyo bareemiyo dheeraad ah.

Laacibkan ayaa ilaa haatan 6 gool u dhaliyay Milan 6 kulan oo uu saftay Europa League, kuwaasoo ay ku jiraan kulamada isreebreeb-horaadku, balse weli wax gool ah kama dhalin Serie A oo uu badanaa kayd ka yahay.

Wuxuu sidoo kale aad ugu wanaagsan yahay heerka qaran isagoo Portugal 10 gool u dhaliyay 16 kulan oo caalami ah.

Barca oo uu Neymar ka aadey Paris Saint-Germain, Luis Suarez u baahan yahay qalliin, Liverpool ay u diidday Philippe Coutinho, ayay dhici kartaa inay u weecato Andre Silva isla bisha Jannaayo ama xagaaga soo aaddan mase sahlana helitaankiisu.

b
Gool FM

Xariir La Leh

Leave a Reply

Close