Wilfred Ndidi oo beeniyey wararka sheegaya inuu ku biirayo Manchester United

ndidi-1024x564

(Leicester) 07 Abriil 2017 – Laacibka qadka dhexe ee kooxda Leicester City Wilfred Ndidi ayaa biyo qabow ku shubay wararka isaga la xiriirinayey inuu u dhaqaaqi doono kooxda Manchester United.

20-sano jirkaan ayaa qaab ciyaareed wacan soo bandhigay soona jiitay indhaha caalamka tan iyo markii uu ku soo biiray naadiga Foxes lagu naanayso bishii Janaayo, markaasoo uu £15m kaga yimid kooxda reer Belgian ee Genk.

Warar hoose oo soo baxay Khamiistii ayaa sheegayay in Ndidi uu ka tegi doono Leicester City haddii Man United ay albaabka u soo garaacdo, waxaana warkan sheegay Hakeem Bello oo isku sheegay inuu yahay wakiilka ciyaaryahankan.

Si walba oo ay ahaato, ciyaaryahan Ndidi ayaa isna hadalkan kaga jawaabay boggiisa Twitter-ka, isagoo yiri: “Fadlan aan idinku war geliyo in warkani uusan sax ahayn, aniga 200% waxaan la jiraa Leicester mana garanayo shaqsigan la magac baxay Hakeem Bello”.

Ndidi ayaa 10 kulan oo Premier League ah u ciyaaray Liecester City, isagoo u dhaliyey hal gool oo qura.

Gool FM.

Xariir La Leh

Leave a Reply

Your email address will not be published. Required fields are marked *

Close