SAWIRRO XUL AH: Horyaalka Soomaaliya oo galabta furmay xilli Elman ay guul gaartay

(Muqdisho) 18 Nof 2016. Garoonka Banaadir ee magaalada Muqdisho waxaa galabta ka furmay horyaalka heerka koowaad ee dalkeena Soomaaliya, kaasoo ay ka qeyb qaadanayaan 10- kooxood

Ugu horreyn waxaa furitaanka tartanka ka hadlay Madaxweynaha xiriirka kubadda cagta Soomaaliya C/qani Saciid Carab waxa uuna madasha ka sheegay in ay sharaf wayn u tahay in ay maanta furaan horyaalka Soomaaliya,waxa uuna C/qani ugu dambeyn furay horyaalka  2016-2017.

kullankii furitaanka waxaa wada ciyaaray kooxaha Heegan iyo Elman oo si weyn u xifaaltama, waxaan qeybtii hore ciyaarta lagu kala nastay 1-0 oo ay ku hoggaamineyso Elman, waxaana goolka u dhaliyay daafaca jooga dheer ee Shiine Afgooye.

Markii dib la isugu soo laabtay qeybtii labaad ee ciyaarta kooxda Heegan ayaa isku deyday in ay bar bareyso goolka balse ma aysan noqon oo waxaa kaarka cas ka qaatay kabtankooda Jabriil Xasan Fariid qeybihii dambe ee kullanka.

Ciyaarta oo gaba gabo ku dhaw ayaa Heegan waxaa quusiyay xiddiga garabka weerarka ee Shakuur Aala, isagoo dhaliyay goolkii labaad ee kullanka, waxaana ciyaarta ay kusoo dhamaatay 2-0 oo loogu badiyay Heegan.

Gool FM ayaa xiddiga garoonka u aqoonsatay ciyaaryahanka kooxda Elman ee  Shakuur Aala, kaasoo  si weyn ugu dhex muuqday ciyaarta.

Sikastaba Elman ayaa galabta waxaa u ciyaarayay afar xiddig oo ajinabi ah, waxaana guusha galabta ay ka dhigtay in hoggaanka ay qabtaan.

img_0001 img_0004 img_0006 img_0024 img_0036 img_0043 img_0049 img_0063 img_0075 img_0088 img_0090 img_0098 img_0111 img_0125 img_0126 img_0142 img_0145 img_0149 img_0154 img_0173 img_0176 img_0182 img_0192 img_0199 img_0205 img_0208 img_0227 img_0233 img_0240 img_0244 img_0254 img_0256 img_0261 img_0266 img_0267 img_0271 img_0272 img_0277 img_0280 img_0284 img_0292 img_0303 img_0306 img_0309 img_0327 img_0331 img_0340 img_0349 img_0352

SAWIR QAADE: C/Fitaax Nani

Gool FM

Xariir La Leh

Leave a Reply

Your email address will not be published. Required fields are marked *

Close