Mid ka mid ah xiddigaha kooxda Man United oo muddo bil ah garoomada ka maqnaanaya

phil

(Manchester) 15 Sebt 2016 – Dhaawac jilibka ka soo gaaray ayuu garoomada muddo bil ah uga maqnaan doonaa daafaca kooxda Manchester United ee Phil Jones.

Kaddib markii uu ku guuldarreysatay inuu ka soo muuqdo safka kooxda koowaad ee Man United tan iyo bishii Janaayo, Jones ayaa ka shaqeeyey inuu si buuxda u soo kabsado, laakiin waxa uu ka maqan yahay shaxda kooxdiisa ee caawa kulan ka tirsan heerka guruubyada Europa League la ciyaari doona Feyenoord, sababo dhaawac.

Waxaa daafacan laga reebay shaxda kooxda Man United ee u safray dalka Holland, halkaas oo ay caawa ku ciyaari doonaan, tababare Jose Mourinho ayaa suxufiyiinta u sheegay in 24-sano jirkaan uu dhaawac ka soo gaaray jilibka intii lagu guda jiray tababarka kooxda.

Jones ayaa la joogay Man United tan iyo sanadkii 2011-kii, laakiin intii lagu guda jiray shantiisii sano oo uu la joogay kooxdan waxa uu kaliya u saftay 140 kulan tartammada oo dhan.

Gool FM.

Xariir La Leh

Leave a Reply

Your email address will not be published. Required fields are marked *

Close