Diego Costa oo sheegay inuu iminka helay taageeradii uu u baahnaa kaddib…

costa

(Spain) 06 Sebt 2016. Taageerayaasha xulka Spain iyo saxaafada ayaa weeraryahanka Chelsea Diego Costa ku dhaleeceynayay bandhigiisa liita ee dhanka ciyaaraha caalamiga ah.

Costa ayaa xalay boorka iska jafay isla markaana tusay taageerayaasha inay ku qaldanaayeen inay dhaleeceeyaan kaddib labo gool iyo waliba ciyaar cajiib ah uu soo bandhigay kulankii uu xulka Spain 8-da gool ku xaaqay xulka Liechtenstein isreeb-reebka koobka adduunka ee 2018.

“Ma ahan oo kaliya tababaraha laakiin sidoo kale saaxiibadeyda kooxda marna igama tagin oo had iyo jeer way i taageerayeen,” Costa ayaa sidaa ku jawaabay mar la waydiiyay inuu iminka helay taageerada uu u baahnaa.

Costa scores for Spain

“Iminka howsha si fican ayay iigu socotaa aniga.

“Waqti adag ayaan soo qaatay, weeraryahanku wuxuu u baahan yahay goolal laakiin waxaan iminka u maleynayaa inaan wax badan ku lug leeyahay kulanka waana ogaa inay goolashu iman doonaan.

“Marna kama caban doono saaxiibadeyda kooxda. Waa inaan uga mahad naqaa iyaga sida ay markasta ii taageerayeen aniga.

“Dhaleeceyntu waa caadi maxaa yeelay wax badan ayaa markasta laga doonayaa ciyaartoyda caalamiga.”.

Gool FM.

Xariir La Leh

Leave a Reply

Close