Idaacada Cayaaraha ee Gool FM oo u dabaal degtay sanad-guuradeedii afaraada iyo Mas,uuliyiin kale duwan oo kasoo qayb galay +SAWIRRO

IMG_8979

(Muqdisho)  16 Maajo 2016. Waxaa Hoteelka  Maka –Al Mukarama ee Magaalada Muqdisho lagu qabtay xaflada sanad guuradii afaraad ee aas aaska idaacada Cayaaraha ee Gool FM taasi oo la aas aasay  15 Maajo 2012-kii waana tii ugu horeysay ee nooceeda ah ee laga taago dalka waxaana xafladaasi kasoo qayb galay ku dhawaad 200 oo marti sharaf ah kuwaasi oo ka kala socday qaybaha kale duwan ee cayaaraha sida maamul,macalimiin,ciyaartoy iyo madax kale oo fara badan xilli ay waqti badan heleen dhageestayaasha idaacada oo u dub dhexaad u ah howlaha idaacada.

Ugu horeyn waxaa halkaasi heeso loogu tala galay idaacada kasoo jeediyay kooxda Jaajuumow Stars oo isugu jira fanaaniin iyo majaajiliistayaal kuwaasi oo madadaalinaayay dadwaynihii kasoo qayb galay xaflada oo aad ula dhacay qaabk ay u socotay xaflada.

Waxaa kalmada koowaad lagu sharfay macalinkeena qaranka soomaaliya Maxamed Cabdulle Farayare maadaama uu ahaa qofkii noogu waaya aragsanaa dadkii xaflada joogay waxaana uu ku dheeraaday wax qabadka idaacada isaga oo cod dheer ku sheegay in magaca uu maanta bulshada ku dhex leeyhay ay siisay idaacada cayaaraha ee Gool FM waxaana uu aad ugu mahad celiyay dhamaan shaqaalaha iyo maamulka idaacada isaga oo dar daaran ugu soo jeediyay in ay sii laba jibaaraan howsha ay bahda sportska u hayaan.

Dhanka kale xaflada oo ay joogeen inta badan guddoomiyaasha kooxda heerarkooda kale duwan ayaa waxaa halkaasi hadalo kooban oo dhiiri galin ah kasoo jeediyay guddoomiyaasha kooxaha Banaadir SC oo ah kooxda rikoorka badis la,aanta ah ku qaaday horyaalka Abuukar Maxa,ed Shiikh,Guddoomiyaha naadiga Dekeda Cabdullahi Farah,Guddoomiyha Naadiga LLpp Jeenyo Jubba Ciise  iyo madax kale kuwaasi oo dhamaan sheegay in ay wada shaqeen balaaran ay kala dhexeyso idaacada iyagoo sheegay in ay haatan meel sare Gool FM gaarsisay Cayaaraha Dalka waxaana ay sheegeen in ay sii wadi doonaan dhiiri galinta iyo saaxiibtinimada kala dhexeysa idaacada.

Abuukar Islow oo ku hadlayay magaca xiriirka Kubadda Cagta ee Soomaaliya ayaa dhankiisa ka dhawaajiyay in hadal aan lagu soo koobi Karin amaanta idaacada cayaaraha ee Gool FM waxaana uu cadeeyay in horumarka maanta ee uu xiriirka ku talaabsaday ay kaalin wayn ka qaadatay idaacada Gool waxaana uu ugu baaqay maamulka in aysan ka jiifan oo ay sii laba jibaaraan shaqadooda.

Maxamed Abuukar Axmed (Ma,da) oo ku hadlayay magaca wasaarada warfaafinta ayaa sheegay in ay aad ugu faraxsanyihiin xafladan oo ay kasoo qayb galeen isaga oo dhankiisa sheegay in uu aad ula socdo dhamaan barnaamijyada kabaxa idaacada oo uu talooyin badan siiyo,waxaana sidoo kale halkasi hadalo ka jeediyay rag ay kamid ahaayeen Maxamed Cumar Baakaay iyo Aways Xaaji Maxamed (Aways Cadde) oo labaduba kasoo wada shaqeeyay idaacadihii HornAfrik iyo Capital Voice.

Guddoomiyaha cayaaraha ee Gobolka Banaadir Xasan Aadan Xaaji Yabarow (Wiish) oo saxiib dhow la ah shaqaalaha Gool FM ayaa sheegay in maamulka gobolka Banaadir uu aad ula socdo howsha idaacada iyo kaalinta ay ka qaadatay dib u soo celinta nabada  iyo is dhex galka bulshada isaga oo sheegay in la,aanta Gool FM aysan maanta horumar badan gaari lahayn.

Guddoomiyaha siyaasada ee Degmada Cabdi-Casiis Cusmaan Muxuyidiin Cali oo ah shaqsi jecel cayaaraha kuna xiran idaacada Gool FM ayaa sheegay in uu meel fog ugu yimid ka qayb galka sanad guurada idaacada si uu farxada ugula qayb qaato bahda sportska waxaana uu sheegay in ay gacan walba oo Gool u baahatana ay ka degmo ahaan diyaar ula tahay.

Deeq Cabdullahi Nuur (Deeq Aaqriyo) oo ku hadlaayay magaca ciyaartoyda soomaaliyeed maadaama ay joogeen ciyaartoydii ugu caansanayd horyaalada kale duwan ee dalkeena ayaa waxaana uu aad u amaanay idaacad isaga oo sheegay in ay magaca ay maanta leeyihiin ay sabab u tahay baahinta ay baahisay Gool FM sidoo kale kabtanka Jeenyo Axmed Tahliil ayaa dhankiisa sheegay in aysan jirin abaal marin ay siin karaan shaqaalaha Gool maadaamashey abaal marin ka wayn ay mu teesatay.

Marti sharaf fara badan ayaa goobtaasi joogay waxaana kamid ahaa warbaahinta qaybeheeda kale duwan sida Idaacada Goob Joog maamulkeeda iyo shaqaalaheeda sida Agaasimha Xasan Maxamed Maxamuud iyo wariyaal kale oo fara badan sidoo kale Tv-ga Access TV shaqaaleheeda oo qayb wayn ka qaatay xaflada .

Ugu dambayn waxaa xaflada lagu soo dhaweeyay Agaasimaha idaacada cayaaraha dalka ee Gool FM Cabdullahi Daahir Siyaad (Dhakoos) oo aad ugu dheeraaday marxaladihii kale duwanaa oo ay soo martay idaacada iyo himilooyinka ay ku talaabsan doonaan waqtiga dhow waxaana uu agaasimaha uu aad ugu mahad celiyay dhamaan kasoo qayb galayaasha xaflada sida ay nooga ajiibeen codsiga maadaama ay waqti badan nala joogeen isaga oo balan qaaday in ay Gool FM gaari doonto 18-Gobol ee Soomaaliya sidoo kale aysan ka jiifan doonin ka sheekeenta ,ka hadlida cayaaraha dalka sidoo kale la kordhin doono barnaamiyada ka bxa idaacada isaga oo intaa raaciyay in ay soo dhawayn doonaan wax kasta oo talo iyo tusaale ah oo ku aadan shaqada idaacada’

Xaflada oo aad u qurux badnayd ayaa Agaasimaha waxaa uu shahaadooyin kale duwan guddoonsiiyay xubin kasta oo ka tirsan idaacada si shaqaalaha dhiiri galin ugu noqoto waana markii ugu horeysay ee sidan oo kale Gool FM u dabaal degto.

Agaasimha ayaa intaa ku sii daray in uu fariin ka sido Milkiilaha idaacada Gool FM Mudane Abshir Maxamed Axmed (Bukhaari) oo soo gaari waayay xaflada in uu aad ula dhacsanyahay xaflada uuna la socday bilow iyo dhamaad uuna u mahad celiyay dhamaan kasoo qayb galayaasha,shaqaalaha iyo bahda sportska waxaana uu FM Mudane Abshir Maxamed Axmed (Bukhaari)  oo mar kale sii adkeeyay balan-qaadyadii hore ee uu balan qaaday ee ahayd hour-marinta idaacada qaybeheeda kale duwan.

W/D:Cabdulaahi Xasan Sulaymaan (Baliil)

Baliilkhan10@hotmail.Com

Sawir qaade:Cabdi Fitaax Nani

SAWIRRO

IMG_8941 IMG_8921 IMG_8923 IMG_8926 IMG_8932 IMG_8933 IMG_8936 IMG_8938 IMG_8939   IMG_8949  IMG_8951 IMG_8952 IMG_8953 IMG_8954 IMG_8956 IMG_8957 IMG_8958  IMG_8960 IMG_8961 IMG_8962 IMG_8963 IMG_8964 IMG_8966 IMG_8967 IMG_8968     IMG_8974 IMG_8975 IMG_8976 IMG_8977 IMG_8979 IMG_8980 IMG_8981 IMG_8982 IMG_8983 IMG_8984 IMG_8985 IMG_8987 IMG_8988 IMG_8989 IMG_8990 IMG_8992 IMG_8998 IMG_9001 IMG_9002 IMG_9003 IMG_9005 IMG_9006 IMG_9007 IMG_9008 IMG_9009 IMG_9011 IMG_9030 IMG_9031 IMG_9032 IMG_9034 IMG_9035 IMG_9036 IMG_9037 IMG_9038 IMG_9039  IMG_9041 IMG_9042  IMG_9044 IMG_9045  IMG_9047     IMG_9056 IMG_9059  IMG_9066 IMG_9067 IMG_9068 IMG_9069 IMG_9070 IMG_9071 IMG_9072 IMG_9073 IMG_9074 IMG_9075 IMG_9077 IMG_9078 IMG_9079 IMG_9080 IMG_9081 IMG_9082 IMG_9086 IMG_9087 IMG_9088 IMG_9089 IMG_9090 IMG_9091 IMG_9092 IMG_9093 IMG_9094 IMG_9096 IMG_9100  IMG_9103 IMG_9104 IMG_9108 IMG_9110 IMG_9111 IMG_9118 IMG_9119 IMG_9120 IMG_9121 IMG_9122 IMG_9128 IMG_9129 IMG_9130 IMG_9131  IMG_9137 IMG_9141 IMG_9142 IMG_9143 IMG_9144  IMG_9146 IMG_9147 IMG_9149 IMG_9151 IMG_9153 IMG_9154 IMG_9155 IMG_9156 IMG_9159 IMG_9160  IMG_9167  IMG_9170 IMG_9175 IMG_9177 IMG_9178 IMG_9180     IMG_9185 IMG_9191 IMG_9192 IMG_9193 IMG_9194 IMG_9197 IMG_9198 IMG_9199 IMG_9200 IMG_9205 IMG_9206 IMG_9207 IMG_9208 IMG_9209 IMG_9210 IMG_9211  IMG_9213 IMG_9214 IMG_9218 IMG_9221 IMG_9223 IMG_9224 IMG_9225 IMG_9226 IMG_9228 IMG_9229 IMG_9239 IMG_9240 IMG_9241 IMG_9242 IMG_9243 IMG_9244 IMG_9245  IMG_9247 IMG_9248 IMG_9249 IMG_9251 IMG_9252 IMG_9256 IMG_9257 IMG_9259 IMG_9261 IMG_9262 IMG_9263 IMG_9264 IMG_9265 IMG_9266   IMG_9270 IMG_9271 IMG_9272 IMG_9273 IMG_9276 IMG_9277 IMG_9278 IMG_9279  IMG_9281 IMG_9282 IMG_9284 IMG_9286 IMG_9287 IMG_9288 IMG_9289 IMG_9290 IMG_9291 IMG_9292 IMG_9293 IMG_9297 IMG_9298 IMG_9299 IMG_9301 IMG_9302 IMG_9304 IMG_9305 IMG_9306 IMG_9309 IMG_9311 IMG_9312 IMG_9314 IMG_9315 IMG_9320 IMG_9321 IMG_9324  IMG_9328 IMG_9330 IMG_9331 IMG_9332 IMG_9333     IMG_9378 IMG_9386 IMG_9388 IMG_9391 IMG_9392  IMG_9394 IMG_9395 IMG_9396 IMG_9398 IMG_9399 IMG_9400 IMG_9401 IMG_9402 IMG_9403 IMG_9404 IMG_9405 IMG_9406 IMG_9408 IMG_9409 IMG_9413  IMG_9415 IMG_9416 IMG_9418 IMG_9419  IMG_9421 IMG_9422 IMG_9425 IMG_9426 IMG_9427 IMG_9429 IMG_9430 IMG_9431 IMG_9432 IMG_9434 IMG_9435 IMG_9436 IMG_9437 IMG_9438 IMG_9439 IMG_9440 IMG_9441 IMG_9444 IMG_9445 IMG_9446 IMG_9447 IMG_9448 IMG_9449 IMG_9450 IMG_9451

IMG_9452 IMG_9456 IMG_9459 IMG_9460  IMG_9463 IMG_9464 IMG_9465 IMG_9466 IMG_9467 IMG_9468 IMG_9472 IMG_9473 IMG_9476 IMG_9477 IMG_9479 IMG_9480 IMG_9482 IMG_9483 IMG_9484 IMG_9485 IMG_9486 IMG_9487        IMG_9504 IMG_9507 IMG_9508 IMG_9511 IMG_9513 IMG_9514 IMG_9516 IMG_9517

Gool FM

Xariir La Leh

Leave a Reply

Close